LEMELERVELD – Un taefeltie hef ut noe meuluk. Ut kreg un bulte reegn over de baste. En dan mutte ok nog un zwaore bloempot draagn. Ut zweet zolum haoste nog uutbrekn. Marja tis nie aans, dan hadde ok mar nie un taefeltie murn wurn. De bloempot stiet al aorig schief en ut zal ok niet lange meer duurn, veurdet de pot deur ut taefeltie henne zol sottermietern.

Dan hei de boel echt veur menare heur. Ut taefeltie nor de mieter en ai geluk hebt kan de bloempot ut nog overleem. Veurtzelfde geld hei ok nog un kapotte bloempot. Weer an menare liem of un draogie durum henne kan wel, mar det lek ok weer nens op..Ut stiet ok nog in de veurtuun. As mensen det dan ziet, kriegt ze ok allerlei gedachten waorie niet op zit te wachten. Ut beste zol dan ok ween umme ut taefeltie dan mar op tied weg te haaln umme zo de bloempot un veurtiedig ende te bespaorn. Dan kuj ok bekiekn of ut taefeltie nog is op te lapn of det ut gewoon un hopeloze zake is. Ie kint oezelf veur de kop slaon en niet weer zo’n zwaore pot op ut taefeltie neerzetn, mar un paar kleine putties. Dan hoeft ut taefeltie helemaol niet oppelapt te wurn, want die kleine putties zakter toch niet deur. Mar veurt ooge mag ut taefeltie wel un rechter blad hem. Dur bint allerlei meugelukheden. Noe mar uutdoktern watter giet gebeurn.

Ton