LEMELERVELD – Un jochie was eem saam met zien breur en nog un paar vrienden uut ewes. Zie waarn nor un trampolinepark ewes en daornao eem bikn bie zo’n vrettente. Hij had zien eign portemonnee met enum. Toen zie weer thuus kwaam gung ze eem durbie zitn umme te verteln an de olders wat ze allemaol edaone haan.

De olders haan a vaker mee emaakt det ut bankpassue van ut joch pleitn was en zie vreugn dan ok waore zien  bankpassie had elaotn. ‘Verduld’ dach ut joch ‘mien portemonnee is vort” Dus mien bankpassie det derin zat is ok weg. Gelieke beln nor ut trampolinepark offe daor nog lag. Daor zoln ze gon zuukn en haan ze niks efun. Dan mar de banke opbeln umme ut passie te blokeern. Toen ze det edaone haan, dach de vader vant joch um toch nog eem in un kaste te kiekn waor de portemonnee ait lag en ja heur daor lag de portemonnee met ut passie. Ut joch had biet thuuskomn zien portemonnee gelieke in de kaste neere legt en was det totaal vergetn toene zien portemonnee misn. Foi wat un gedoe. Noe mosn ze de banke weer beln um ut terugge te drein.  Gelukkig was it passie noe toch weer op zien plaaste.