LEMELERVELD – Iemand hef un schure met allerlei pruttel derin. Der ligt ijzeren platen op en ut dak is hier en daor aorig verscheum. Ein van de plaatn was zelf bienao dubbel eklapt. Ie kon ut dak weer op de plaaste schoem, mar de balkn waor de plaatn an vaste zit bint van de staonders escheum. Um dan allenig die balkn weer op de staonders te tiln wul wel.

An de veurkante wul det net nie, umdet de balkn an de achterkante achter de staonders blieft hang. Dus van narigheid mut de plaatn lus edreit wurn. Dan kuj de balkn weer op de staonders houwn. Zo kriej ut geraamte weer trechte. Ai dan denkt dei ut zo wel eem kunt laotn,  beginter  a  iemand te klaagn det ai de plaatn dur niet metien op maakt de pruttel in de schuure strontnat wurd ast begint te reign. Dan muj mar de plaatn dur weer op houwn um gien ruzie met de klager te kriegn. Met al det gedoe, hei noe toch weer un schure waor wat an hebt.

Ton