LEMELERVELD – Teegnwaorig binter int verkeer ok un nieuwe soort fietsen of hoeit ok mut nuum. Fatbikes neumt ze die gevaln ok. Noe bint de luu die daor opzit mangs nog kleine kinder. Die hebt heel gien verstand hoe ze zich mut gedraagn tussen ut andere verkeer en deurum gebeurter un bonke ongelukn. Pas nog reed un kerl op un parallelweg waor zo’n fatbike miln op de weg reed.

Veur die fatbike reen fietsers diee inhaaln en steeds bleeve miln op de weg jaagn. De kerl reed in zien auto en wol wel graag inhaaln. De vent op de fatbike was toch wel un jaor of veertiene,had van die oordopn in dus hij heurn ut getoet van de auto totaal niet. Hoe lange of de auto ok bleef toetn. De auto durm de fatbike ok niet in te haaln deur un heel stuk deur de berm te jaagn, want asse dan de fatbike zol raakn krege zo wie zo de schuld. Toen de fatbiker un paar fietser gunk inhaaln, zagge de auto achter hum en gunk toen pas genog an de kante. De vent op de fatbike had niet in de gaatn dette met die oordopn in ok gien sirenes van hulpdiensten kon heurn.

Marja ut joch zol zien waardeloze muziek veul belangrieker vin. As de hulpdiensten deur hum kats te late bie iemand kon kom die hulp neudig hef, zol hum gien bal interesseren. Wiele mut toch mar leern wennen an det soort weggebruukers ok al denke wiele dur van alles van.

Ton