LEMELERVELD – Vakansie hult un keer op en dan muj de zooi weer bie menare pakn. Ut weer was ait nog goed te doen. Mar ut wurd noe toch wel un bettie kolder. De caravan hef wel un kacheltie, mar dan bei ok rap deur oen gas hen en dan kuj van narigheid niet meer kokn. Buurn binter nie meer op de camping, dus daor kuj ok niet gaon slijmn offie toevallig maagt mee etn.

Umme dan verder allenig mar kauwgum te gaon kauwn is ok gien mooi veuruutzicht. Ut plan is dan ok um murgn op huus an te kaorn. De  leste keer aifwasn op de camping en thuus hebt de verwende sikn un aofwasmachine. De veurtente mut, ast kan, goed dreuge inne pakt wurn eist de vrouwe vant stel detter bienao un maond estaone hef. Assie de bende nat gaot inpakn muj thuus  de pruttel  weer der uut haaln en dan dreugn aans krieg un bonke schimmel en daor wuj niet blij van, duch mie. In de buurte was genog te bekiekn aster mar un kuppie koffie edrunken kon wurn vund de kerl. Tja aans mosse in de caravan ok noggis koffie gaon zetn. Asse dan a koffie achter de koezn had konne det zo mooi veurkomn. De vrouwe waarschuwn de kerl det ze thuus de boel kalmpies gaot uutpakn en niet zoas ait metiene volop ant slepn en heistern um.alles weer op de plaaste te kriegn.

Ton