LEMELERVELD – In disse tied vant jaor kompter un bult eikels nor beneden. Des mooi veur de bieste die ut wel lust. Assie ok van det spul in de tuun kriegt muj uutkiekn dei dur niet deur kompt te valn, assie derover hen loopt. Blad en reegn deroverhen mak de boel aorig glad. Dan ist ok leep assie dan det gedoe weg gaot haaln, zodet de looppaden in oen tuun weer te beloopn bint.

Umme steeds van de biene te kleddern is niets iets waj graag wult, veural niet ai a wat older bint. Dan meuj juust uutkiekn umme niet neer te kleddern, want dan hei ok nog kans dei dur nog wat an overhaolt. Oldere luu kompt vaker te passe en deurum kuj better met de harke en batse an de gank en die eikels in de gruuncontainer pleurn. Ie lunt de zooi ok in de borders gooin, zodet ut pad weer kaal wurd. Dan kriej wel met un bettie wind det oe ut spul weer teruggeweit. Ie mutter mar meer tied veur nem en de gruune bak dur biehaaln. Assie dan weer goed kunt rondbanjern in oen tuun zonder onderuut te zeiln kuj weer genietn van oen tuun

Dur zult nog un bulte eikels neerkomn in oen tuun umdet de boom nog lange niet leug bint.

Dan kuj weer opnieuw begin, want de tuun blef oe bezig haoln.

Ton