LEMELERVELD – Un kerl stiet graag vrog op. Dan kanne op zien eign tempo gaon etn en de krante leesn. Zien vrouwe mag dan graag nog un tietie in berre bleem hangn. Asse tegelieke gaot opstaon, dan muj wachtn op menare asse de havermout ant kokn bint. Ja ie zoln zegn dei dan toch metiene saam die pap kunt kokn, mar zie hebt beide hun eign maniere van kokn en det mut dan toch apart.

Ut bint mangs ok van die draodnagels. Dan loopt ze ok menare in de weg asse stoete ant smeern bint op ut aanrecht. Asse noe rustig op menare wacht zolt gien gedoe geem, mar asse ienmaol bezig bint in de kukn mut ok gelieke met gank. Bie ut krante leesn kuj ok nie bieden tegelieke leesn. Umme smengs vrog ok metiene alle nieuws van de wereld te besprekn daor zit ze ok niet echt op te wachtn. Dus de iene giet opstaon en de ander mag nog eem bliem lign. As ien van de beiden dur is vrog uut mut ist meestal de kerl die mangs ok veuls te vrog uut berre giet. Asse de krante uut hef of de krante lig nog niet in de busse, giete mar veur de televisie hangn. De dag rustig begin is un goed plan aj tog vake hurrie op mut.

Ton