LEMELERVELD – Dur bint luu die wult graag op un stukkie grond boomgerei planten det dan ok wat kan oplevern. Ie zult dan aller soorten fruit kriegn en det kuj dan verkoopn of uutdeeln an liefhebbers. Assie dan fruit an de boom hebt, muj ok plukkers zien te kriegn aans verrot oe ut gerei. Iemand hadde heurt detter vrijwilligers evraogt wurn en un kerl gunk derhen umme te helpn biet inplanten.

Ut stuk land was un halve bunder en ze woln eerst de ingekoelde beumpies an de rand inpotn tutdet ze opwaarn.De rest van de boomn zol later an de beurte komn asse an zol komn en ok zoln dur wat innezeit wurn. Veurdei dan ok grotere boom hebt zolt wel ffies duurn. Un kuppeltie meiden was bezig met ut bekiekn wat de beste soorten boomn daor zol pasn. Ut plantn gunk un bettie in de probeerstand en de kerl gat tips waor ze mee an de slag kon. As det voedselbos ut goed giet doen is der un mooie vorm van landbenutting.

Ton