LEMELERVELD – Iemand kaorn in zien auto op Dalfsen an. Iniens zude koein op de weg. Hij boom op de rem aans krege allemaol biefstukn in en op zien auto. Hij wol a uutstapn um die bieste vort te haagn, mar bedacht zich net op tied. Asse uut zol stapn kon die koein zien auto vortjatn en daormee wegjaagn. Zie zoln nor de veemarkt kun jaagn of ze daor nog bekenden zoln zien.

Mar wair ister noe nog un veemarkt? Det mossen ze dan eerst mun uutzuukn en dan kon ze met de navigatie dur zo op an. Googln wol ok niet, want hun telefoon had kuurn en det kwaamp denk ik deurdet ze aait met smerige pootn op die telefoon zaten te ram. De chauffeur van de auto zag echter det de koein netties tussen twee touwgies over de weg henne leupn.

O ja, die gaot de pense weer vol vretn an de overkante van de weg. Die bieste haan gien olders die keekn oft allemaol veilig gunk, zoas det vake bie kleine kinder giet. De olders van die koein haan weer is gien tied en zaten ens aans te knooin.

Ton