LEMELERVELD – Betaalpassies binter zat. Assie iniens un nieuw passie kriegt muj goed kiekn waor die bie heurt. Zo waster iniens un nieuw passie veur de zeune van iemand. De va van det jonk keekn niet goed bie wat van bankrekening det passie heurn. Um det passie geldig te maakn mossie det un keer gebruukn en dan zolt ok bliemn doen.

Hij mos de pincode invoern en dant zolt trechte komn. Hij voern de pincode van un ander passie in en toen gun ut kats mis. Hij most nog un keer probeern en op zien laasten  gunke zo verre det ut passie blokeert wurn. Hij begon bienao te vleukn, mar hij stond dicht bie de kerke en deut ut mar nie hard op. Hij gunk mar ant beln nor de banke en legn ut uut weurumme bienao mos vleukn. Ut passie wurn weer deblokeert en hij kon wieder gaon um un andere pincode an te vraogn. Hij gunk weer ut passie gebruukn en zag opiene watte noe verkeerd hadde daone. Ut rekeningnr heurn bie un passie met un andere pincode. Hij kon zich wel veur de kop slaon dette zo stom ewes was. Hij gebruukn ut passie noe met de andere pincode en ja heur ut werkn zoast mos. Al det gebel en geklooi had helemaol niet ehoemn assie mar beter had ekeekn nor ut rekeningnr.  Det kriej a gauw ai meerdere passies hebt.

Ton