LEMELERVELD – Tis nie aans.Older wurn kump met gebreekn. Un kerl was zich ant doesen  toenne iniens un knobbel in zien linkeroksel zag zitn. ‘Det heurter  nie.’ dachie toen. Dus hei dermee nor de dokter umme te vraogn wat det van gedoe was. De dokter dag ens an en wol veur de zekerheid hem deurstuurn nor ut ziekenhuus veur un echo.

Daor zaagn ze det ut misschien wel huidkanker kon ween. Ut zat ok in de buurte van de lympekliern. Ze hebt met un dikke noolde derinne prikt umme te bekiekn wat ut noe kon ween. Ut duurn eem verdet ze ut wussen en toen zaagn ze det ut mogeluk huidkanker kon ween. De kerl was a gerustesteld met det bericht. Hij dacht ast met de lympfekliern te maakn hef zolt erger ween. Mar noe mosse un andere keer teruggekom umme better te bekiekn watter allemaole nog meer verspreid int lief zol zitn. Dan ok un behandelingsplan maakn. Dus noe mosse ant infuus en meer geloer int lief. Asse dan kon bekiekn waor ut noe precies zat konne ze det weghaaln. Aans zoln ze un bult spul weghaaln wat nog goed was. Ja zie wult veur de zekerheid ok genog weghaaln zo dei dur aof bint.

Tis toch kanker en dan wuj ok zien dei ut goed anpakt.

Ton