DALFSEN  – Met deze vroge kwam Wim van de Tippe bij mij toen ik der lanks fietste. Ik Wetholder? Nee Wim geen denken an. Oh, ik mene dat ik det ergens had e lezen. Nou Wim, noe ie der toch over hebt, det was nog wel wat veur oe um wetholder te wunn. Oooh nee. Niks meer met politiek, ik bin der helemool kloor met.

Ik twiefel zelfs of ik wel weer go stemm. Zie doet der toch geen reed op uut. En ik goo zeker niet weer stemm op de partij woor ik de veurige keer op hebbe stemt en der kump ok geen burt meer op mien grond van die politieke partije. Niks doet ze veur het buitengebied. As der in het durp één steentie scheef lig, dan bint ze der zo bie en muj hier kiek’n in het butengebied, schaande hoe de boel der bie lig.

Rustig noe Wim, zie bint der mee bezig. Zie goot kiek’n um de boel weer netties te maken. Kiek’n ja, hoe lange is al niet zo? Schane, mos ie afgelopen wiekent kiek’n zo vreselijk stoemm. Des toch nie normaal, der zit 2 bedriem  aan die weg!!. Ie kunt der nog niet over hen kuieren, lootstoon gewoon fietsen! Rustig ma Willem, het kump ollemool wel goed. Zie goot onderzuken wat ze der an kunt doen, det hebt ze mie zelf belooft. Ik geluve der geen berst van, het is toch al joren zo.  Willem ik geleuf duw gewoon wat meer geduld mutten hem. Het zal vaste wel goed kommen. Ie geleuft zeker ok nog in sunterkloos, ak oe zo heure!