DALSEN РVeurjoar en dan ut liefst Februari Meert is de tied van mest geem an de tuune. Aj dr nie wat in stopt, krieg ie dr ok nie wat uut. Das een old tuunbouw gezegde en maar al te woar. Vrogger leut ik altied een hele berg Champignonmest kommn, zit maar liefst 2,5 % Kalkmeststof in en das bliksems best op ̦nze Zaandgrond die van nature een bettie zoer is.
Joarn lang haaln ik ut bej Derk Jan Aalvanger of bej Jan Zielman. Sie haddn alletwee een mieters mooie bejname mar det durf ik echt nie te zeggn hier. Aalvanger is dr mee estopt en Jan Zielman is helaas overleedn.
Opvolger van Jan Zielman is Ophoffie, veurname Erjan. Hoe sien va doar toch op ekommn is? Klinkt weh een bettie Turks maar hej is zo Hollands ast maar kan en nog een beste Hollander ok. Merakels fijn kealtie en ie kunt goed met hum överleggn. Hej hef nie allenig mest mar ok aandere zakkies met potgrond en pröttel dr in. Ant ende van de Vossersteeg bej huuze Ankum, doar zit uh. Hej vertelln mej dat achter huuze Ankum ut olde Koetshuus stiet en det Erjan doar zelf woont. Ophoffie kump van oorsprong volgens mej van de Ruutenborg want doar woont een hele kloete Ophoffie’s.
Nö genog dr över , groetn Gruune Jopie