LEMELERVELD – Ton is afgezwaaid als postbezorger. Ton Schrijver hef zien laatste Cycloon post bezurgd. Eind augustus. Officieel is hej 1 oktober met pensioen gegaan.

In de wieken van postcode 8151 en 8152 hej um vast wel iens zien fietsen met zien rooie jas en dito fietstasse. Deur weer en wiend. Ton is een vroege vogel. Miestal was hej een uur van te veur’n al op de zaak in Dalfs’n. Det steur’n um niks want dan kon hej mooi de kraante lez’n en wat pennevruchten fabriceren voor zien stukkies op Dalfsennet. Hij is een bezige bij. En is ok een keer flink e steuk’n in ut gezicht deur die nuttige biesies toen hij een bevriende imker had e hulp’n. Ik zei Ton as ut niet wil met post rond breng’n dan muj ut zeg’n. Zien antwoord was, ut dut wel zeer mar
ut giet wel weer over en d’r bint ergere ding’n in’t leaven. Zo is Ton. En hej giet niet achter de geraniums zitt’n. Nije uutdaaging bint er alweer genog. Geniet van oe olde dag met al oen dierbaar’n. En blief stukkies schriev’n. De ien nuumt ut een streektaal, de ander nuumt ut plat. Ut is een moedersproake recht uut uut ut hart. Bedankt namens Cycloon post Dalfsen.