LEMELERVELD – Ai meuluk te verstaon bint, mujt mangs herhaaln waje zegt hebt. Det mak ok gien zak uut, want ie wult toch graag det de boskop over kump. Det herhaaln kump ok veur bie andere zaakn. Op de televisie wurter films veule herhaalt. Ik vraoge mie dan aof of die filmluu dan in vredesnaam niks mee uutvoert. As die luu bezig blieft en doet watter van hun verwacht wurd, kriej toch andere nieuwe films.
LEMELERVELD – Assie un peerd wult metnem nor un veiling mut ut in un peretrailer. Noe wast zo det un peerd met un veuln in de trailer mos. Ut veulen det kuj nog wel de baas, dus det koj a gauw vasteknupn veurin de trailer. De merrie zol zo durachteran de trailer inloopn wurn edach. Mar det leup toch iets aans. De merrie bekeek ut toch ietsie aans.
LEMELERVELD – Un kerl mut ait peerestaln aofmesn. Det hadde ok al ooit ens aans edaone. Toen most met un kruuwaagn edaone wurn. Ai dan ok nog un pokke ende daormee mut loopn , wuj daor niet blij van. Deze keer mogge ait met un klein shoveltie de boel aofmesn. Hij kon zelfs met det shoveltie ok nog tut in ut hok jaagn.
LEMELERVELD – Ut kump veur det iemand machtig veule en vake un plee mut schone poetsn. Deurumme kant iemand ok un keer zat wurn um ait mar weer die plee schone te maakn. Ach dan kuj toch buutn ens gaon staon umme van oe of te pisn, mar wat mut vrouwluu dan? En trouwens ie maagt heel niet buutn van oe of pisn.
LEMELERVELD – Teegnwaorig binter int verkeer ok un nieuwe soort fietsen of hoeit ok mut nuum. Fatbikes neumt ze die gevaln ok. Noe bint de luu die daor opzit mangs nog kleine kinder. Die hebt heel gien verstand hoe ze zich mut gedraagn tussen ut andere verkeer en deurum gebeurter un bonke ongelukn. Pas nog reed un kerl op un parallelweg waor zo’n fatbike miln op de weg reed.
LEMELERVELD – Un kuppeltie hef un caravan ekoch. Ze haan beide pensioen ehaald en woln daormee meer op pad. Eerst was de vrouwe met un dochter allis nor un camping ewes, mar de kerl hatter nog nooit in eslaopn. Pas nog wast spul un wekkie nor un camping ewes. Daorrnao mos de caravan schonemaakt wurn, want later int jaor wult ze weer nor dezelfde camping veur langere tied.
LEMELERVELD – Iemand hef int leem un bult medemaakt en beleefd. Toch wurde almaar anne stuurt of hebt ander raod veurum hoe offet an mut pakn in allerlei zaakn. Zelfs asse ant knooin is met iets, wurd ut hum uut de hande haalt, want de ander zolt wel better kun. As die ut dan ok kats niets veur menare kreg, kan denne diet eerst ant doen was zich bienao de broek van de konte lachen, umdet de ander noe gigantisch op de bek giet.
LEMELERVELD – Un kerl was int buutnland un breur ant helpn. Net assie bienao nor huus gunk, krege ok nog trammelant met zien enkel. Hij waster mee ant loopn ewes, waor de grond biester ongelieke was. En dan koj ok nog un ende wegzakn op sommige plaatsn. As die kerl noe eem rustig anne daone had, wasum un zere enkel bespoort ebleem. Marja de kerl knooit ait te onbezoest en dan kriej det.
LEMELERVELD – Un keerl had zich in de koppe haalt umme zien breur te gaon helpen biet bouwn van un huus. Zie bint al un tietie ant buffeln umme troep uut un old huus te slepn. Det olde huus mut ok nog van de biene. Ut weer is af en toe gewoon klootn. Ast dan weer is reegnt giet de breur in berre lign unme uut te rustn.
LEMELERVELD – Un keerl giet mangs uut werkn en dan gebeurt wellis dette machtig gasterig kan wurn. Asse dan un overal an hef ist niet zo’n ramp. Gewoonluk heffe onder die overal ok nog andere kleern an. Dan kanne de overal uut doen en zalle de boel niet besmeern met zien gasterige kleern. Zien vrouwe kent hem al un bettie en die mag dan ait de pruttel weer opruumn die den keerl dur vanne maakt hef.
LEMELERVELD – Iemand hef un schure met allerlei pruttel derin. Der ligt ijzeren platen op en ut dak is hier en daor aorig verscheum. Ein van de plaatn was zelf bienao dubbel eklapt. Ie kon ut dak weer op de plaaste schoem, mar de balkn waor de plaatn an vaste zit bint van de staonders escheum. Um dan allenig die balkn weer op de staonders te tiln wul wel.
LEMELERVELD – Um ut etn klaor te maakn kuj un ei ait goed gebruukn. Eier kuj van de kipnboer koopn, mar assie zelf kipn hebt hoefie allenig de eier mar op te zuukn. As de kipn in un hok zit kuj de eier a rap vin. As de kipn umme ut huus rond loopt te scharreln, muj op zuuk waor de eier neere legt bint.
DALSEN – Tjonge das nog is een nette hond, sien konte netties af eveegd met wc papier. Wel een beste köttel trouwens veur een Hond. As tuunman kom ie altied völle hondenstront teegn. Vooral op grussvelties. D’r bunt ok hondeneigenaarn die ut netties in een zakkie met nemt trouwens.
LEMELERVELD – Un kerl mos un bult stien ens forthaaln. Dur zat ok nog allerlei andere pruttel tussen, zoas tegels en trottoirbanden. Ut mos allemaol met un schovel wegge rene wurn. Ut kon dan ens nerekiept wurn, zodei ut later op pallets estapelt kon wurn. Det leek allemaol leuk en aorig, mar dur zat un bult zand over en tussen die stien.
LEMELERVELD – Ens int grusland lag un boom, die umme zotermietert was. Die boom lagter al un zettie en twun tied dette oppe ruumt mos wurn. De kettenzaage dur bie ehaalt en dan ketteneulie en benzine durin edaone, aans kuj heel niet zaagn ja. Ant zaagn en nao un tietie zagge det ut duppie van ut eulietankie vort was.
DALSEN – Het is nog gien meert ( dialect moand), maar deur de recente ontwikkelingen van de afgeloop’n week’n, is het best weh tied um eens te kieken hoe as democratie in Nederland werkt.
LEMELERVELD – Un jochie was eem saam met zien breur en nog un paar vrienden uut ewes. Zie waarn nor un trampolinepark ewes en daornao eem bikn bie zo’n vrettente. Hij had zien eign portemonnee met enum. Toen zie weer thuus kwaam gung ze eem durbie zitn umme te verteln an de olders wat ze allemaol edaone haan.
LEMELERVELD – Un kerl kwaamp bie un umgezotermierterde boom en nog andere holten paoln. Die mossen eem kapotezaagt wurn. Gelukkig hadde un kettenzaage bie de hand. Asse det met un handzaage mos doen, zolle aorig ant zweetn komn. Tis ait nog zo ait makkeluk kunt doen, weurum zoi ut dan meuiluk gaon doen?
LEMELERVELD – Un kerl giet met zien zunne ait ant sporten in un fitnessruumte. De kerl haaln zien zunne op vant huus waor die woont. Eerst un bakkie koffie en un bettie bie praotn. Dan grep de zunne zien pruttel umme te gaon sporten bie menare en gaot ze durop an. Asse dan in de sporthal bint en de kleern van de botn gaot doen umme de sportkleern an te doen, kum de zunne durachter dette zien sporttasse nog in de auto hef laotn lign.
LEMELERVELD – Ik hadde un teufeltie in de veurtuun wat al bienao op insturten stond. Mijn kinder schaamden zich de oog uut de kop daorveur. Toenk jaorig waase kreegn hun ut idee um dan mar un ander tuunstellegie an mie te geem. Noe wast helemaol van iezer en kont holten taofelblad nie meer verrotn en in menare sootermietern.
LEMELERVELD – Un taefeltie hef ut noe meuluk. Ut kreg un bulte reegn over de baste. En dan mutte ok nog un zwaore bloempot draagn. Ut zweet zolum haoste nog uutbrekn. Marja tis nie aans, dan hadde ok mar nie un taefeltie murn wurn. De bloempot stiet al aorig schief en ut zal ok niet lange meer duurn, veurdet de pot deur ut taefeltie henne zol sottermietern.
LEMELERVELD – Assiee un lappe grond hebt en daor kunt de peerden de boel mooi glad haoln, dan muj dur wel veur zurgn det ut draod derum henne wel goed is. Aans lup oet spul gelieke weer lus en kuj dur weer achteran. Noe lig det stuk grusland niet dierekt in de buurte van autoweegn, want det zol dan gevaarluk wurn.
LEMELERVELD – Un vrouwe had un old tegeltableau in huus. Zie had det a 75 jaor elene kreegn van heir oma. Die oma had det geval ok al un tied in bezit. Dus die vrouwe dach det det olde geval wel oarig wat geld zol oplevern. Dus zie wol dermet nor un taxateur umme te heurn wat ofut weerd was. Det tegeltableau was inne liest en was veur heur veuls te zwaor umme mee te gaon slepn.
LEMELERVELD – Un mense is un bult tied neudig um te zitn. Ie kunt ok aans nuum. Hang op de banke, int gevang rondhangn of um goed hem zitn. Mensen met un kantoorbane of van die computerluu bint hele uurn met hun baterije hun stoeln ant belasten. Assie in de pauzes eem un entie gaot loopn of zoiets is det wel better veur oe. Aans wuj alsmar stiefer.
DALMSHOLTE – Un kerl had un paar peerden en die kwaam deur ut natte weer in de probleem. Umdet al tieden pokke weer was waarn de rieviern ok nog is buutn de oevers ekom. Dus alles stond bienao onder water. De peerden die op un hoger stukkie grus ston, zoln zo langzamerhand ok natte pootn kriegn.
LEMELERVELD – Un kuppeltie, gewoon man en vrouwe, haant int heufd umme is te gaon kiekn in Denemarkn. Ze waarn al is in Frankriek ewes en ok in Tjechie en Italie. Daor wurd met gemak noe veuls te werm. Toen gung ze met de tente ant knooin. Later met un caravan, mar det wurn hun un bettie te duur met de stalling ent onderholt.
LEMELERVELD – Iemand hef un aorig autootie en wul toch graag wat aans. Ut autootie watte noe hef is un automaat en un paar ding daor baalte noe van. Ie kunt niet meer ofremn op de motor. Ai vaart wilt mindern muj met die automaat gelieke op de rem. Ai heel rustig blieft rien kan zo’n automaat prima. Ai un bettie pittig ried, muj ut gas goed intrapn.
DALFSEN – Manon van der Vegt (Dalfsen) en Kim van Zwol (Nieuwleusen) zijn dit jaar geslaagd voor Mavo respectievelijk VWO.
LEMELERVELD – Un older stellegie hef bienao allebeide pensioenlleeftied en hef dan ok tied um saam op pad te gaon ens hen. Um dan niet hen weer te mutten jaagn haan ze dach umme un caravan te gon koopn. Ze haan vrogger al eerder zo’n ding ehad, toen ze nog met de kinder op pad gung. Um det het leem toen duurder was veur hun hebt ze det ding vort edaone.
LEMELERVELD – Bie ut helpn van un imker duurn ut toch langer dan verwacht. De imker had an de kaante van un stuk grusland zien bijenkassen staon. Det waarn un paar gewone kassen en un stuk of wat kleinere. Hij wol die kleinere kassen noe ummezetn in gewone kassen, zodet die dan meer ruumte kreegn. Hij dacht detter vief kleinere kassen waarn en hij had ok ut spul daorveur mettenum.
LEMELERVELD – Un oldere man zag bie un plasse water un paar familieleden met kano’s ant knooien. Hij wolt wellis eem un bettie dichterbie bekiekn en ok de jongs die daor bezig waarn, laotn zien dettie zien neuze ok eem wol laotn zien. Hij ken die plaaste a umdette daor a eerder ewes was, mar det was wel weer un schoffie elene.
LEMELERVELD – Un kerl kreeg bienao un hekke teegn zien baste an. Un rechtopstaand hekke kwam te valn toene net daorveur zich bukn umme wat op te pakn. Iemand waarschuwn hem det ut hekke ummesotermietern. Hij sprung opziet, mar ut hekke raakn zien scholder nog iets en hij had un wuntie an zien erm wat nogal gunk bloeden. Twas un zwaor iezerenhekke en gelukkig hadde niet ut hele hekke over zien baste had.
LEMELERVELD – Wie pikt niet eerst het regio nieuws, als de krant ons al vroeg welkom heet voor een nieuwe dag. Dagelijks nieuws, sport, geboorte, overlijden eerst lezen. Sportverslag eigen club ja met trots en bonzend hart gelezen, ze doen het toch maar goed sporters van ‘t dorp Plattelanders, vinden een overwinning reden voor feest in de tent. Ooievaar in de tuin houd de sage levendig.
LEMELERVELD – Un kerl mos ens onkruud pruttel wegmaakn. Hij waster al eerder ewes. Toen mosse met un staolbussel an un stok ut onkruud wegbuseln. Daor giet dan wel un bonke tied in zitn. Hij gung ut gereedschapgerei bie menare zuukn en had noe bedong dette un bosmeier met mog nem. Veurige keer hadde un stroke grind mun schoffeln en uutherken um al uy onkruud daorin weg te kriegn.
LEMELERVELD – Iemand hef un slechte ervaring met de overheid. Det kump noe vaker veur. Ai zo al denkt an die toeslagenzooi. Assie van iemand die un postadres ens hef un adreswijzing wult hem, maak ie van alles mee. Ie gaot nor de nieuwe gemeente waor ie a woont.
